சங்கு ஊதுவது உங்களுக்காகவும் இருக்க வேண்டாமே

நேற்று மதியம் இரண்டு முப்பது மணி அளவில் என்னுடைய மகளின் கல்விப்பணி வேலை காரணமாக ஈரோடு நகரில் இருந்து  வள்ளி புரத்தான்பாளையம் வரை செல்ல வேண்டி இருந்தது 

என்னுடைய வாகனம் கரூர் பெருந்துறை புறவழிச்சாலையைக் கடக்கும் முன்பு சைரன் என்ற சங்கு ஊதும் சத்தம் கேட்டது சாலையைக் கடக்காமல் வாகனத்தை நிறுத்திவிட்டு கிழக்கு திசையை நோக்கிப் பார்த்தால் யாரோ ஒரு தமிழக அமைச்சரின் வாகனம் வருவதை அறிவிப்பதற்காக ஒரு காவல்துறை வாகனம் சங்கூதியபடி வந்தது. 

அதனைத் தொடர்ந்து ஒரு அரசியல்வாதி வாகனம் அதற்கு அடுத்து அமைச்சரின் வாகனம் இதற்குப் பின் சில எடுபிடிகள் வாகனம் கடைசியாக சேலம் மாநகர ரோந்துப் பணி வாகனம் வந்து இந்த அணிவரிசை முடிவுக்கு வந்தது.

அனைத்து வாகனங்களுமே 120 கிலோமீட்டர் வேகத்தில் தான் வந்தன. தமிழ்நாடு அரசின் 108 வாகனத்தில் நூறில் சென்றால் 108 ல் தான் போக வேண்டும் என்ற வாசக வரிகள் தான் என் மனதில் ஓடியது

காவல்துறை அன்பர்களே நண்பர்களே வேகக் கட்டுப்பாடு என்பது மக்களுக்கு மட்டும்தானா 
மக்களுக்காக அரசியல்வாதிகளா அரசியல்வாதிகளுக்காக மக்களா

இவ்வளவு வேகத்தில் அவர்கள் சென்று அடையப் போவது ஏதேனும் ஒரு ஓய்வு விடுதியில் தான் அனேகமாக அது நட்சத்திர விடுதியாக தான் இருக்கும் 
இவ்வளவு வேகத்தில் தலைதெறிக்க செல்கிறீர்களே ஒருவேளை ஒரு கன்றுக்குட்டி அல்லது எருமை மாடு குறுக்கே வந்து தொலைந்தால் உங்கள் கதி அதோ கதிதான் 

அல்லது வரும் வேகம் அறியாது ஒரு குழந்தை அல்லது ஒரு காது கேளாத முதியவர் வந்தாலும் அவர்கள் அனைவருடனும் உங்களில் சிலரும் மோட்சம் அல்லது படுகாயங்கள்

இளமைத் துள்ளலுடன் மன்னனின் மகன் தேரோட்டி வந்தபோது  ஒரு கன்றுக்குட்டி துள்ளி ஓடி வந்து விழுந்து மரணம் தழுவ
தூக்கம் தாளாத தாய்ப்பசு அரண்மனை வாயிலில் இருந்த ஆராய்ச்சி மணியை அடித்து அறம் காக்க மன்னன் தன் மகவைத் தேரிலிட்டு அறம் நிலை நாட்டிய மண் தமிழ் பேசும் மண்

இப்ப அதே அறம் நின்று நீதி தண்டிக்குமா யாம் அறியோம். உங்களுக்கும் குடும்பம் உண்டு. அரசியல் வியாதிகள் விரைந்து சென்று ஒரு ஆணியும் பிடுங்கப் போவதில்லை

சங்கு ஊதுவதை தவிர்ப்போம்.

புரிந்தால் சரி

காமராஜரின் வாகனம் முன்பு ஒரு காலத்தில் சங்கு ஊதியபடி________ படித்திருப்பீர்கள் என்று நம்புகிறோம்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

வாழ்வாங்கு வாழ வாழ்த்துங்கள்!

வாழ்வாங்கு வாழ வாழ்த்துங்கள்!     ஒருவரை மற்றவர் சந்திக்கும்போது வாழ்த்துகின்ற பண்புநலம் முற்றிலும் தமிழருக்கே உரித்தான குணமாகும்! நமது சங்க கால இலக்கியங்கள் இதனை நன்கு விளக்கியுள்ளன! வாழ்த்துவதற்கு வயது பேதம் தமிழரிடத்தில் இருந்தது கிடையாது! பெரியவர்களைச்  சிறியவர்கள் சந்திக்கும்போது பெரியவர்கள் சிறியவர்களை வாழ்த்துவதும் பதிலுக்கு சிறியவர்கள் பெரியவர்களை வாழ்த்துவதும் பழங்காலத் தமிழர்தம் மரபு! மனநிறைவாகவும் உளமாறவும் வாழ்த்துதல் நிகழ்வதால் இருசாராருக்கும் அறிவியல் ரீதியான நன்மைகள் நிகழுகின்றன! இவ்வாறு வாழ்த்தும்போது சிறியோரால் வாழ்த்து பெறும் பெரியவர்களின் வயது நீடித்து வந்துள்ள விந்தையையும் பதிலுக்கு பெரியோர்தம் மனம் நிறைந்த வாழ்த்துக்கள் பெறும் சிறியோருக்கு அவர்தம் அறிவும் அன்பும் நிறைக்கப்படுவதை உலகோர் ஒப்புக்கொள்வர். அது மட்டுமன்றி தமிழர்கள் இயற்கையையையும் இந்த பிரபஞ்ச வெளியையும் வாழ்த்துகின்ற தன்மையை வெளிப்படுத்தி அதன் வாயிலாக இயற்கையிடமிருந்தும் இந்த பிரபஞ்ச வெளியிலிருந்தும் ஏராளமான நன்மைகளைப் பெற்று வந்துள்ளனர். இன்றுவரை தமிழகம் வந்தாரை வாழவைத்து ...
மேலும் படிக்கவும்

செய்க தவம்!

செய்க தவம்! செய்க தவம்! நெஞ்சே தவம் செய்தால் எய்த விரும்பியதை யெய்தலாம்! வையகத்தில் அன்பிற் சிறந்த தவமில்லை! அன்புடையார்  இன்புற்று வாழ்தலியல்பு! இது மகாகவி பாரதி வாக்கு! தமிழகத்தில் பெரும்பாலான மக்கள் உயிரினங்களைப் பலிகொடுத்துத் தத்தம் குலதெய்வங்களைத்  தவம் செய்கிறோம் என்ற பெயரில் வணங்கி வருகின்றனர்! அன்பே சிவம் எனும் உயரிய சொல்லுக்கேற்ப உயிர்களின் மீது அன்பு செழுத்துவதே உண்மையான தவமாகும்! வண்டியில் பிணைக்கப்பட்டுத் தன்னைச் சுமந்து வந்த எருதினைத் தடவிக்கொடுத்துக்  கண்ணீர் சொரிந்து என்னைச் சுமந்ததால் உனக்கு வலி ஏற்பட்டதோ எனக் கண்ணீர் பெருக்கிய வள்ளலாரின் செய்கையே உண்மையான உயரிய தவமாகும்! பாரதப் போரில் இதோ என் எதிரே நிற்கும் அனைவரும் என் உடன் பிறந்தவர்கள், என் உறவினர்கள் எனப் போர் செய்ய மறுத்துத் தம் ஆயுதங்களைத் துறந்து தவம் செய்யக் கானகம் சென்ற அருச்சுனன் செய்த தவமே உண்மையான தவம்! ஒரு முறை சேலம் மாவட்டம் தாரமங்கலம் பகுதியில் ஒரு சிற்றுந்தில் அமர்ந்திருந்தேன்! அந்தச் சிற்றுந்தில் அமர்ந்திருந்த கிராமத்துப் பெண்கள் சுவாரசியமாக ஒரு பேச்சுவார்...
மேலும் படிக்கவும்

சாதிப் பெயர்கள் தோன்றிய கதையும் அவற்றின் உண்மை அர்த்தமும்!

        முதலியார்! வடவர்களின் கட்டுக்கதைகளை நம்பிப் பிள்ளையாரைத் தெய்வமாக ஏற்றுக்கொண்டு சாதியால் ஆதியில் முதலில் பிரிந்தவர்களே முதலியார்கள்! ஆம் இச்சாதிப்பெயரை பிரித்துச் சொல் அறிந்தால் சாதியால் முதலில் யார் பிரிந்தவர்கள் எனும் கேள்வி பிறக்கும்.  இன்றைய திருச்செங்கோட்டுப் பகுதியில் வாழ்ந்து அந்நாட்களில் தமிழர்தம் புறநானூற்றுப் பாடல் வரிகளில் வரும் தமிழ்த் திருமணங்களுக்குக் கூரைப்புடவை நெய்து கொடுத்த குலம் இது!  தமிழினத்திற்குப் பருத்தியால் ஆன ஆடை கொடுத்த இவர்கள் பின்னர் வடவர்களின் சாதி வலையில் வீழ்ந்து வடவர்தம் திருமணங்களுக்குப் பட்டுப்புடவை நெய்வதற்குக் காஞ்சிக்கு அழைத்துச் செல்லப்பட்டுப் பின்னர் பிள்ளையாரைத் தெய்வமாக ஏற்றுச் சாதிப் பிரிவில் முதலாவதாக வீழ்ந்து இன்று வரை வடவர்தம் வழக்கங்களை ஏற்று வழி நடக்கும் தமிழினம்!  வடவர்களின் ஆட்சியிலிருந்து தமிழினத்தை நிரந்தரமாக மீட்டுத்தந்த பெரியாரின் மாணவர் அறிஞர் அண்ணாவின் வழியினை மீண்டும் இவ்வினம் பின்பற்றிச் சாதி ஒழிப்பில் முன்னணியில் நிற்க வேண்டும்!         வன்னிய...
மேலும் படிக்கவும்